الوصايا العشر للحفاظ على الأسنان

طبعا الاسنان مهمة لينا كلنا

بناكل بيها ونقزقز لب ونعض الناس الغاليين علينا
خالى بالك معايا بقة شوية

1.السواك طبعا سنة مؤكدة وثوابها كبير لكن كمان اللى اكتشتفته عن تجربة مش كلام مراجع وبس انه بيحسن حالة اللثة ويزيل البلاك (اللى هو اصلا سبب كل البلاوى ) وبيطهر الفم من الروائح الكريهة
سبحان الله
بالنسبة لطريقة استخدامه
يوضع بطريقة عمودية على الاسنان ويبدا تحريكه من فوق لتحت (يعنى من ناحية اللثه الاول ) بالراحة بلاش الخشونة لان ده ممكن يسبب جروح فى اللثه
لازم كل 24 ساعة تقطع الجزء القديم

2. لازم تغسل اسنانك قبل ما تنام عشان كل المصايب بتحصل فى الوقت اللى انت نايم فيه

3. اوعى عشان غسلت اسنانك قبل ما تنام ما تغسلهاش اول ما تصحى من النوم دي خطوة مهمة جدا برده

4. اوعى تمسك النكاشة ولا السلاكة ولا مش عارفة اسمها ايه وتلعب بيها فى اسنانك عشان تشيل حتة اللحمة المحشورة استخدم خيط الاسنان الطبى عشان ما تجرحش اللثة يا فالح

5. عاوز تاكل حلويات كل براحتك بس اعمل حسابك اول ما تخلص اكل اجرى على الفرشاة -اظن واضح -
6. طريقة استخدام الفرشاة
طبعا حضرتك عاوز تحقق الرقم القياسي فى غسيل الاسنان (نص دقيقة )
معلش اتخلى عن حلمك خليهم 5 دقايق مش كتير
ما تضغطش على الفرشة جامد عشان ده ممكن يعملك التهاب
ابدا بالتحرك من ناحية اللثة الاول وبطريقة راسية
اغسل السنة من جميع الجهات من بره ومن ناحية اللسان بالراحة ما حدش بيجرى وراك

7. لازم حضرتك تغسل لسانك وتمسحه بانتظام لانه حقل لنمو البكتريا وممكن ينقلك امراض وانت طبعا مش ناقص

8. يفضل استخدام معجون اسنان به نسبة من الفلوريد لزيادة الحماية من التسوس

9. ابعد عن مبيضات الاسنان اللى بتتباع فى الصيدلية بدون استشارة الطبيب لانه الاستخدام الخاطىء ليها حيؤدى الى مشاكل يصعب علاجها

10. خمس دقايق بعد الاكل عشان تاكل علكة الل هى المستيكا يعنى عشان تعمل مساج للثة
خمس دقايق بس ما تسرحش ها
و.......

ايد ده وصلنا لنمرة عشرة خلاص
طااااايب
لنا لقاء اخر.........

اه صحيح الموضوع منقول عن طبيبة اسنان

علشان تطمنوا

اتمني الموضوع يعجبكم

هااااااااااااااااااا فين ردودكم يا بنات

» نصائح للحفاظ على جمالك
» نصائح للحفاظ على الوزن
» نظام غذائي للحفاظ على الوزن بعد إنقاصه
» نصيحه هامه للحفاظ على بطارية اللاب توب لفترة طويله